53-vjeçari përfundon në pranga të Policisë, sulmoi djalin e tij dhe e kërcënoi me jetë

Zënkat e ngatërresat mes baballarëve me fëmijët e tyre shpeshherë eskalojnë në konflikte serioze dhe përfundojnë me përleshje brutale. Për pasojë, ata detyrohen të kërkojnë ndihmë nga Policia, duke i denoncuar rastet. Kështu ka ndodhur në Vitomiricë të Pejës, mbrëmë pas mesnate, raporton Gazeta Sinjali.

Këtë herë në rast janë të përfshirë babai 53-vjeçar dhe djali i tij 16-vjeçar, të cilët u kapën me njëri-tjetrin gjatë ditës së djeshme dhe për pasojë i moshuari përfundoi në prangat e Policisë.

Sipas informacioneve që ka Sinjali, i dyshuari e ka sulmuar fizikisht të birin, pas një mosmarrëveshje që kanë pasur, e cila eskaloi në kërcënime me jetë, duke e tensionuar deri në atë pikë sa viktima u detyrua ta thërras Policinë.

Si rezultat i denoncimit, një njësi policore ka dalë në vendin e ngjarjes, ku viktima ka rrëfyer para policëve në detaje rastin që kishte ndodhur në shtëpinë e tyre.

I dyshuari është prangosur nga Policia dhe është shoqëruar në stacion policor për intervistim, ku pas përfundimit të procedurave është dërguar në mbajtje për 48 orë.