Kapet në flagrancë me drogë i riu në Podujevë, përfundon në Polici

Varësia nga droga në Kosovë sa vjen e shtohet dhe kjo dëshmohet çdo ditë me kapjen dhe arrestimin e dhjetëra personave konsumues e shpërndarës të substancave narkotike. Ato po përdoren me të madhe, sidomos nga të rinjtë të cilët shpesh kapen në flagrancë nga Policia, raporton Gazeta Sinjali.

Një rast i tillë është zbuluar edhe mbrëmë në mesnatë, në rrugën “Hakif Zejnullahu” në Podujevë, ku gjatë patrullimit në një pikë kontrolli, Policia ka ndaluar një 20-vjeçar, nën dyshimet për gjësende të kundërligjshme.

Gjatë kontrollimit të të dyshuarit, zyrtarët policorë ia kanë gjetur një sasi të substancës narkotike, të llojit marihuanë, që është sekuestruar nga zyrtarët policorë.

Për shkak të posedimit të narkotikëve, i riu është shoqëruar në stacion policor, ku ësht) intervistuar nga hetuesit policorë për veprën për të cilën ngarkohen.

Burimet e Sinjalit kanë bërë të ditur se Prokurori i Shtetit ka urdhëruar inicimin e rastit ndaj të dyshuarit për veprën penale “Posedim i paautorizuar i narkotikëve, substancave psikotrope ose analoge”.