Aksident mes kamionit dhe veturës në rrugën Prishtinë-Podujevë, një i lënduar

Një person është lënduar si pasojë e një aksidenti trafiku që ka ndodhur sot në rrugën Prishtinë – Podujevë, saktësisht në fshatin Trudë.

Rastin për Gazetën Online Reporteri.net e ka konfirmuar zëdhënësja e Policisë së Kosovës për rajonin e Prishtinës, Florie Ahmeti, ku e njëjta ka bërë të ditur se në aksident janë përfshirë një kamion dhe një veturë.

“Sot rreth orës 14:30 ne rrugën Prishtinë – Podujevë, saktësisht në fshatin Trudë, ka ndodhur një aksident trafiku në mes të një automjeti transportues dhe një veture. Si pasojë e aksidentit një person ka pësuar lëndime trupore”, ka thënë Ahmeti.

Tutje, Ahmeti ka bërë të ditur se i lënduari është dërguar për tretman mjekësor, ndërsa me rastin po merret njësiti i trafikut.