Digjitalizohet rëntgeni i QKMF-së në Podujevë

Kryetari i Komunës së Podujevës, Shpejtim Bulliqi, bashkë me drejtoreshën e drejtorisë së Shëndetësisë dhe Mirëqenies Sociale, Adelina Stublla dhe ud. drejtorin e QKMF-së, Bajram Bajgora kanë përuruar projektin e digjitalizimit të rëntegnit në QKMF dhe QMF-në e fshatit Kërpimeh, thuhet në njoftimin e zyrës për informim, transmeton PodujevaPRESS.net

Digjitalizimi nuk është i kufizuar vetëm në radiologji por është zgjeruar edhe në: Emergjencë, Mjekësi familjare, QMF Lluzhan, Orllan e Kërpimeh. Ky projekt është i pari që realizohet në një QKMF në nivel vendi.

Kryetari Bulliqi u shpreh i lumtur me shtrirjen e këtij shërbimi ku tha se “Me një projekt të tillë lehtësohet dhe shpejtohet qasja e profesionistëve në imazheri dhe përshpejtohet shërbimi për qytetarët, njëkohësisht kemi imazh shumëfish më të qartë dhe kosto më të ulët të shpenzimeve për shkak të kursimit të filmave radiologjik”.

Vlera e projektit është 70 mijë euro dhe është investim i Komunës së Podujevës.