Pas tensioneve të fundit në Veri, KFOR-i tregon se si është gjendja e sigurisë në Podujevë

Komandanti i Stacionit Policor në Podujevë, Nijazi Jashari, ka njoftuar se gjatë këtij viti, në Komunën e Podujevës janë raportuar 75 raste të dhunës në familje.

Në mbledhjen e Këshillit Komunal për Siguri në Bashkësi, të Komunës së Podujevës (KKSB), Jashari ka theksuar se në 30 prej këtyre rasteve, të dyshuarit janë në ndalim të policisë, në 22 raste ka urdhër mbrojtje për viktimat, dhe në 4 raste viktimat janë dërguar në strehimore.

Sipas njoftimit, edhe përfaqësuesja e KFOR-it, gjendjen e përgjithshme të sigurisë në Komunën e Podujevës e ka vlerësuar të qetë dhe stabile, si dhe gjithashtu ka ritheksuar gatishmërinë e KFOR-it në ruajtjen dhe sigurinë publike.