Drejtoria e Inspeksionit në Podujevë sot gjatë ditës ka bërë inspektime në disa prej marketeve të mëdha ushqimore

Drejtoria e Inspeksionit sot gjatë ditës ka bërë inspektime në disa prej marketeve të mëdha ushqimore në Komunën e Podujevës. Në këto inspektime ka marrë pjesë edhe drejtoresha e Inspeksionit, Florentina Osmani bashkë me inspektorët e tregut, kështu kanë njoftuar nga kjo drejtori, transmeton PodujevaPRESS.net

Gjatë kontrolleve në marketet tregtare produktet me çmimet e ekspozuara janë në përputhje me çmimet në arkë. Poashtu gjatë këtyre inspektimeve janë kontrolluar produktet sa i përket afatit të skadencës së tyre dhe nuk është hasur në ndonjë produkt me afat të skaduar.

Drejtoria e Inspeksionit do të vazhdojë me inspektime të tilla ditëve në vijim edhe në marketet e tjera, duke siguruar mbrojtje të konsumatorit.