Plani Franko-Gjerman dhe liderët “belaxhi” të Ballkanit

Shkruan: Behram Behluli

Targat u përdorën si shkas për të refuzuar planin, Franko- Gjerman, kjo nga të dyja palët, Vuçiq në asnjë rast nuk mund ta pranojë një marrëveshje e cila në vete përmban njohjen e Kosovës si shtet, kurse Albini njëherë mohon se ekziston një propozim franko-gjerman për marrëveshje, pastaj pranon se ekziston një plan i tillë, zëvendësi i tij Bica, deklaron se plani ekziston por është i pa pranueshme për Kosovën, në fund Albini thotë se unë kam pranuar planin franko–gjerman, Viçiçi jo!

E vërteta është se të dy liderët e të dyja vendeve po bëjnë politikë për të hequr përgjegjësinë për marrëveshje gjithëpërfshirëse, të dy liderët e të dyja vendeve kërkojnë rrugë për të ikur nga dialogu, është dëshirë e tyre për të mos marrë përgjegjësi pasi si duket asnjëri parej tyre nuk është në gjendje të kuptojnë se marrëveshja do të ndodhë, me ta ose pa ta!

Asnjëra palë nuk ka mundësi as kapacitete ti bëjë ballë trysnisë së fuqive evropiane dhe amerikës, ashiqare po shihet se përmbyllja e marrëveshjes Kosovë- Serbi është interes i ShBA-së, Gjermanisë dhe Francës, e kjo do të ndodhë dhe duhet të ndodh, sepse është luftë kundër planeve Ruse për destabilizimin e Ballkanit e me ketë edhe të Evropës.

Për Rusin do të ishte shpëtim hapja edhe e një fronti, sepse destabilizmi i Ballkanit dëmton investimet amerikano-evropiane në luftën që po zhvillohet në mes Rusisë dhe Ukrainës.

Pra konflikti në mes Kosovës dhe Serbisë është shpëtim për Rusinë, këtë duhet ta dinë liderët e Kosovës sepse ata të Serbisë e dëshirojnë një gjendja të tillë, është interes i tyre që gjendja të jetë  e tensionuar dhe mundësisht të paraqiten si viktima, ata punojnë për planet ruse sepse ato janë edhe plane te tyre,

Rënia e liderëve tanë në grackën e Vuçiqit do të ishte fëminore, e pa falshme, besojmë se ketë nuk do ta lejojë me asnjë çmim ShBA-ja, sepse ata nuk do  të lejojnë që investimet e veta  në luftën e Ukrainës t’i qojnë dëmë liderët belaxhi të Ballkanit!

Tani nuk duhet të lejojmë negociata për kthimin në vendet e punës me ata te cilët u larguan vullnetarisht nga detyra, nuk duhet të pranojmë marrëveshje me asociacion me kompetenca ekzekutive e ku njohje nga Serbia nuk do të ketë, ne duhet ti ofrojmë SHBA-ve ,Gjermanisë dhe Francës propozimin tonë për dalje nga kjo situatë.

Kosova të pranohet në NATO dhe nga të gjitha shtetet e Evropës dhe në marrëveshje të ketë asosacionin në bazë të vendimit te gjykatës kushtetuese, ne duhet te dalim nga hendeku ku kemi ra, kjo padyshim se mund te behet me një politike bashkëpunuese dhe aktive!