Lajm i mirë: Drejtori i Drejtorisë për Planifikim dhe Zhvillim Ekonomik, Vigan Salihu ka nënshkruar kontratën me Agjensionin Pyjor të Kosovës për këtë arsye

Drejtori i Drejtorisë për Planifikim dhe Zhvillim Ekonomik, Vigan Salihu ka nënshkruar kontratën me Agjensionin Pyjor të Kosovës për marrjen në shfrytëzim nga Komuna e Podujevës të tokës pyjore për “Pishat e Kërpimehit” dhe “Pishat e Shakovicës”, thuhet në njoftimin e zyrës për informim, transmeton PodujevaPRESS.net

Komuna e Podujevës pas investimeve në parqet e qytetit, vitin e ardhshëm planifikon të investojë edhe në parqe në zona rurale, në hapësirat e parqeve në Kërpimeh dhe Shakovicë do të ndërtohen shtigje për ecje, vendosen pushimore dhe shporta të mbeturinave.

Ky projekt do të realizohet në kuadër të Drejtorisë së Planifikimit dhe Zhvillimit Ekonomik, në kuadër të sektorit të Turizmit.