Vazhdon “lluga” në komunën e Podujevës, shtyhet seanca e Kuvendit Komunal për të hënën |PAMJE

Sot është paraparë të mbahet mbedhja e rregullt e Kuvendit Komunal të Podujevës, të cilën e udhëhoqi kryesuesi i Kuvendit, Hilmi Hoxha, në këtë mbledhje morën pjesë kryetari i Komunës, Shpejtim Bulliqi, drejtorë të ekzektuivit komunal dhe asambleistë, thuhet në njoftimin e zyrës për informim, transmeton PodujevaPRESS.net

Me hapjen e seancës përfaqësuesi i grupit parlamemtar të Lidhjes Demokratike të Kosovës (LDK), Naim Çunaku, mori fjalën duke shprehur pakënaqësitë për mospërfshirje si pikë të rendit të ditës “Në mosrealizimin e pagesave për një pjesë të kuvendarëve, gjegjësisht udhëheqjen e seancave nga kryesuesi i Kuvendit”.

Ndërkaq, shefi i grupit parlamentar të Lëvizjes Vetëvendosje!(LVV), Haki Rudari, ka kerkuar që të gjindet zgjidhje dhe punimet e seancës të vazhdojnë. Po ashtu në fjalën para të pranishmëve ai ka propozuar si pikë të rendit të ditës, “Plotësim ndryshimin për përbërjen e Komitetit për Komunitete”.

Fjalën e mori edhe kryetari i Komunës, Shpejtim Bulliqi, i cili propozoi që të gjindet rruga ligjore, në mënyrë që të ekzekutohet pagesa e këshilltarëve komunal dhe të vazhdohet me punimet në seancen e Kuvendit Komunal.

Si mjet të protestës për mos realizimin e kërkesës së tyre asambleistët e LDK-së e pamundësuan vazhdimin e mbledhjes. Pas kësaj situate të krijuar kryesuesi i Kuvendit, Hilmi Hoxha propozoi që të mbahet pauzë dhe të diskutohet me përfaqësuesit nga të gjitha subjektet politike për rrugë-dalje nga situata e krijuar.

Pas dakordimit me përfaqësuesit e subjekteve politike, kryesuesi i Kuvendit njoftoi se seanca e planifikuar të mbahet sot shtyhet për të hënën, me datë 7 nëntor, me fillim nga ora 13:00.