Shpejtim Bulliqi viziton fermerët në Podujevë por “injoron” drejtorin e Bujqësisë që vjen nga PDK-ja

Kryetari i Podujevës Shpejtim Bulliqi në një postim që ka bërë ka treguar se ka bërë vizitë tek një fermerë llapjan por ajo që shihet është se aty mungon edhe drejtori i Bujqësisë Fatmir Rudari që vjen nga PDK-ja, kurse aty janë dy drejtorët e Urbanizmit dhe Shërbimeve Publike, transmeton PodujevaPRESS.net

Se po injorohet apo se po tentohet të mbulohen aktivitetet e drejtorive që udhëheqen nga PDK-ja e ka thënë në një medium lokal edhe vet kryetari i PDK-së Isak Shabani, I cili është shprehur se së shpejti do ta ketë një takim zyrtar me Shpejtim Bulliqin ku do të “sqarohen” shumë çështje.

Ky është postimi i Bulliqit:

Dje ishim për vizitë tek fermeri Lum Hoxha pronar i kompanisë “Blue Pearl”, e cila bën prodhimin e 4 llojeve të boronicave, ku të gjitha produktet e prodhuara i eksportojnë për tregun në Holandë.

Ai kishte të mbjellur mbi 30 hektarë me boronica, gjatë sezonës së punës kjo kompani i ka mbi 100 punëtorë që punojnë në plantacione të ndryshme. ?

Kurse dje gjatë ditës i kemi asfaltuar rrugën në gjatësi mbi 1.6 km, me qëllim që t’i krijojmë lehtësi të qarkullimit dhe transportit. ?

Do të jemi gjithmonë në krah të fermerëve të vyer e njerëzve punëtorë të Llapit!