Komuna e Podujevës shënon Ditën Botërore Kundër Kancerit të Gjirit

Komuna e Podujevës ka shënuar sot 25 tetorin – Ditën Botërore Kundër Kancerit të Gjirit, me një takim diskutimi me gratë llapjane, ku pjesë e panelit të diskutimit ishte kryetari i Komunës së Podujevës, Shpejtim Bulliqi, nënkryetarja e Komunës, Marigona Lahu, drejtoresha e Drejtorisë së Shëndetësisë dhe Mirëqenies Sociale, Adelinë Stublla si dhe menaxhmenti i QKMF-së, thuhet në njoftimin e Komunës së Podujevës, transmeton PodujevaPRESS.net

Kryetari Bulliqi tha se “Muaji Tetor, në të gjithë botën është muaji i ndërgjegjësimit për zbulimin e hershëm të kancerit të gjirit, muaji i thirrjes për kujdes të shtuar tek gratë, ku fokusi kryesor është shpërndarja e informacioneve për shëndetin e gjirit, dhe të rrisë ndërgjegjësimin për parandalimin dhe zbulimin e hershëm të kancerit të gjirit te gratë dhe nënat në të gjithë botën”.

Nënkryetarja Lahu gjatë diskutimit tha se “Gruaja është ajo që kujdeset gjithmonë për të gjithë por harron të kujdeset për vetën dhe shëndetin e saj, ajo i inkuajoi të gjitha gratë për kujdes më të shtuar, kontrolle të rregullta sepse është e vetmja rrugë për të parandaluar këtë sëmundje që po merr shumë jetë”.

Radiologu, Lulzim Thaçi dhe epidemiologia Bedrie Rama diskutuan më shumë rreth specifikave të sëmundjes, shenjave apo simptomave që paraqiten, faktorëve qëmund ta shkaktojnë, moshën që prekë më shumë, ndryshimet e gjeneve, ekzaminimet dhe mbi të gjitha rëndësinë e hershme të identifikimit.

Në diskutim ishim të pranishme edhe përfaqësuese nga Këshilli i Bashkësisë Islame në Podujevë, gra nga institucione dhe qytetare të shumta nga Llapi.