I mbeti hatri në Bulliqin që se bëri Drejtoreshë, por sot mori një pozitë të rëndësishme në Podujevë

Keshilli Drejtues i emëruar nga Shpejtim Bulliqi e kishte shkarkuar nga pozita e drejtorit të Teatrit të Podujevës, mirëpo arsyet e shkarkimit asnjëherë nuk u bënë publike, njofton PodujevaPRESS.net

Sot janë publikuar rezultetet përfundimtare të konkursit ku më e suksesshmja ka dal të jetë Elhame Kutllovci.

Ajo mandatin e kaluar ishte drejtoreshë e Kulturës, Rinisë dhe Sportit në kabinetin e Bulliqit, por mandatin e dytë nuk ja kishte besuar pozitën e Drejtoreshës.

Burimet tona veç na kishin njoftuar se preferencat e kryetarit janë që në krye të Teatrit të jetë znj.Kutllovci.

Elhame Kutllovci ishte ankuar se nuk e ri-emëruan përsëri drejtoreshë.

Ja çfarë kishte shkruar Kutllovci:

Të dashur qytetarë, ju artdashës dhe njerëz që përfaqësoni shtetin e politiken!

Asnjë herë në jetën time nuk kam menduar që do të vijë një moment kur nga pozita e një artisteje profesioniste, do të mund të jap kontributin tim si drejtuese e kulturës në qytetit tim dhe të etiketohem si pjesë e një partie politike siç është Lëvizja Vetëvendosje. Propozimi që unë të vijë në këtë shërbim kishte ardhur nga njerëz që  kishin përcjellur punën time si regjisore  dhe që më njihnin si mendim e si ide dhe kur më ishte ofruar pozita e drejtorit të kulturës, gjëja e parë që më kishte shkuar në mendje ishte që, shumë aktivistë në parti nuk do e mirëprisnin ardhjen time aty, sepse pa çka se me krejt familjen kishim votuar për ndryshim, aktivistët janë ata që e kishin kryer punë në terren. Mbaj mend që më ishte thënë që Vetëvendosje nuk është si partitë e tjera që të bllokoj profesionistët dhe pas kësaj me knaqësi e pranova ofertën. Ashtu siç dyshova edhe ndodhi… U bë shumë zhurmë për ardhjen time në krye të kulturës, por unë asnjëherë nuk u mora me zhurmën dhe si femër pa muskuj në komunë e pa krahë në parti, vendosa që me punë e profesionalizem ta heshti zhurmën, për të ardhur deri në atë moment kur pas fitorës se dytë të Vetëvendosjes në Podujevë, ndihesha edhe unë triumfuese dhe shpresoja që tani më edhe si aktiviste profesioniste femër në parti, veç sa do të forcohesha në krye të detyrës në DKRS. Siç duket isha gabuar.

Por sot ajo u zgjodh Drejtoreshë e Tetarit Avdush Hasani në Podujevë.