“Veç je nana e burrit tem se t’kisha mytë”, përplasje dhe gjuajtje me lugë mes vjehrrës dhe nusës

Rastet e dhunës në familje janë mjaft të pranishme në Kosovë. Çdo ditë raportohen raste ku viktima zakonisht janë gratë dhe vajzat që përjetojnë dhune psikike e fizike nga bashkëshortët e tyre dhe anëtarët tjerë të familjes. E nuk janë të rralla as rastet kur përfundojnë në telashe vjehrrat me nuse.

Mbrëmë pas mesnatës, një 27-vjeçare në Prishtinë ka përfunduar në stacion policor, si e dyshuar për dhunë në familje.

Sinjali mëson se ajo është denoncuar nga vjehrra e saj, e cila ka deklaruar se pas një mosmarrëveshje me renë e saj, e kishte gjuajtur atë më lugë.

Ndaj kësaj kishte reaguar nusja e cila dyshohet ta ketë kërcënuar vjehrrën e saj duke i thënë mos ta prekë dhe i ka thënë se do e mbyste po të mos ishte nëna e bashkëshortit të saj.

E dyshuara është intervistuar nga hetuesit policorë dhe me urdhër të prokurorit, ndaj saj është iniciuar rasti ‘Dhunë në familje’.