Escobar: Ende ka nevojë për Gjykatën Speciale

I dërguari i Posaçëm i ShBA-ve për Ballkanin Perëndimor, Gabriel Escobar, ka deklaruar se një marrëveshje për një të ardhme mes Kosovës e Serbisë, është çështje javësh.

Ai ka folur edhe për Gjykatën Speciale për të cilën tha se ka nevojë ende. Escobar tha se duhet të përkrahen ende mekanizmat që e përkrahin këtë organizëm.

“Ne e përkrahim punën e Speciales. Unë besoj se çdo herë e më shumë krimet e kryera në vitet ‘90 duhet të trajtohen nga autoritetet vendëse, në mënyrë të drejtë dhe proces të duhur. Por, besoj se ende ka nevojë për Gjykatën Speciale dhe mekanizmat që e përkrahin këtë organizëm. Prandaj, po, e përkrahim Gjykatën Speciale.”, tha ai në Kanal 10.

Escobar, ka thënë edhe se Asociacionin i komunave me shumicë serbe duhet të përmbushet.

Escobar po ashtu ka treguar se në lidhje me këtë çështje ka biseduar edhe me presidenten e Kosovës, Vjosa Osmani.