Fidan Rekaliu përfundon mandatin si kryetar i Forumit Rinor të LDK-së

Të premtën mbrëma u mbajt Kuvendi i XI-të Zgjedhor i Forumit të Rinisë të LDK-së, me ç’rast me votë unanime të delegatëve, kryetar u zgjodh Paris Guri.

Nga Lidhja Demokratike e Kosovës, përmes një njoftimi, thonë se kjo parti është me fat që kanë shumë të rinj e të reja pjesë të tyre dhe se besojnë në vlerat që ata përfaqësojnë, transmeton Gazeta Online Reporteri.net.

“LDK beson te vlerat e të rinjve e të rejave të vendit tonë”, thuhet në njoftim.

LDK, shpreh vlerësimin e lartë për kryetarin e deritanishëm të FRLDK-së, Fidan Rekaliut dhe strukturave të kaluara, për punën e tyre përkushtuese ndaj të rinjve e të rejave të LDK-së dhe Kosovës.

E vet Rekaliu përmes një postimi në Facebook ka thënë se është krenar që faqebardhë e përmbylla angazhimin për më shumë se një dekadë në Forumin e Rinisë së LDK-së dhe një mandat si kryetar i tij.

Ky është postimi i tij:

Jam krenar që faqebardhë e përmbylla angazhimin për më shumë se një dekadë në Forumin e Rinisë së LDK-së dhe një mandat si kryetar i tij.

Sot, falënderoj të gjithë ata që kontribuan e u angazhuan në këtë formacion të jashtëzakonshëm.

Uroj kryetarin e ri, Paris Guri  dhe strukturat e reja të zgjedhura sot, duke ju dëshiruar punë të mbarë e vetëm suksese!

Falënderoj kryetarin Lumir Abdixhiku për bashkëpunimin dhe njëherit e përgëzoj për hapjen ndaj kuadrove profesionale dhe hapësirën që po jep për kuadrot e reja!