Prokuroria në Hagë paralajmëron mundësinë për arrestimin e Driton Lajçit

Zyra e Prokurorit të SPecializuar në Hagë, po paralajmëron se Driton Lajçi mund të arrestohet.

Ky i fundit po përballet me hetime për dyshime se ka nxjerrë informacione konfidenciale, sa ishte Drejtor i Divizionit për Ndihmë Juridike për të akuzuarit nga SPecialja, në Ministrinë e Drejtësisë.

Avokati i Lajçit kishte kërkuar që të përfundojnë hetimet në këtë rast. E Kryeprokurori Jack Smith në një parashtresë, ka kërkuar që kjo të mos ndodhë.

Madje e kanë lënë të hapur mundësinë që Lajçi të arrestohet.

“Edhe pse Lajçi mund të përballet me arrestim dhe burgim të mundshëm si rezultat i hetimeve në vazhdim, ai nuk është ndaluar, apo përndryshe nuk është vendosur ndonjë masë tjetër kufizuese ndaj tij (ose pasurisë së tij), në çdo kohë gjatë hetimit, siç ka theksuar më parë gjyqtari i. Prandaj, ky faktor nuk tregon se periudha e hetimit ka qenë në mënyrë të paarsyeshme e gjatë”, thuhet në parashtresë.