Gjendja jo e mirë në arsim apo presioni nga Drejtoria e Arsimit? Japin dorëheqje disa drejtor të shkollave në Podujevë

Takimin e fundit të cilin Shpejtim Bulliqi e kishte mbajtur me drejtorët e të gjitha shkollave në Podujevë me qëllim të fillimit të procesit mësimorë pasi që po mbahej greva, ishte përmendur edhe fjala shkarkim, njofton PodujevaPRESS.net

Aty u është thënë se nëse nuk do të fillojë procesi mësimorë kryetari i komunës do të shfrytëzojë të drejtën e tij të shkarkimit të drejtorëve.

Kjo edhe është kuptuar nga shumica e të pranishmëve se janë të “padëshiruar” për Bulliqin.

Mirëpo burimet e PodujevaPRESS kanë treguar se Dejtoria e Arsimit në Podujevë ka përdorur edhe shkopin edhe karrotën, duke u bërë ofertë disa drejtorëve të cilët janë të pa dëshiruar për Shpejtim Bulliqin se nëse japin vetë dorëheqje ata do ti marin orët mësimore në shkollat e qytetit kurse në rast se shkarkohen atëherë do të humbin këtë privilegj që gjoja se u jepet nga kjo drejtori.

Ky presion edhe ka pas sukses sepse deri tani kanë jap dorëheqje shumë drejtorë shkollash. Sipas burimeve tona i fundit që e ka ofruar dorëheqjen është drejtori i shkollës fillore “Shaban Shala” R. B.

Poashtu janë larguar edhe drejtori i shkollës fillore në Sibofc si dhe në dy shkollat e qytetit atë të Mesme Isa Boletini dhe atë fillore “Xheladin Rekaliu”.

PodujevaPRESS ka siguruar vendimet e Kryetarit të Podujevës Shpejtim Bulliqit për ti zëvendësuar këto largime duke vendosur ushtrues detyre në këto shkolla.

E paralajmërime se do të largohen sipas burimeve tona janë edhe disa drejtorë të shkollave në qytetin e Podujevës.

Deri më tani kjo çështje është tentuar të mbahet e mbyllur nga zyrtarët komunal, pasi që as nuk janë deklaruar për media./PodujevaPRESS.net/