Ekskluzive: I dënuar me 4 muaj burgim për kanosje, ky është personi
Hapen 55 vende të lira pune nga Agjencia Kadastrale e Kosovës, ka të bëjë edhe me Podujevë
???????? ?????????? ? ??????̈? ka hapur konkursë për pranimin e konsulentëve për mbledhjen dhe përditësimin e të dhënave të adresave (55 persona) njofton PodujevaPRESS.net
Ky është konkursi:
Kërkesë për Shprehje të Interesit
Shteti: Kosovë
ID e projektit: P164555
Emri i kredisë së Bankës Botërore: Projekti i Kadastrit të Pronës së Paluajtshme & Infrastrukturës Gjeohapësinore
Nr. Identifikues i kontratës: XK-KCA-315949-CS-INDV
STAFI MBËSHTETËS KOMUNAL – KONSULENTËT
(PËR MBLEDHJEN DHE PËRDITËSIMIN E TË DHËNAVE TË ADRESAVE)
Informacionet e përgjithshme
Qeveria e Kosovës (QK) ka marrë një Kredi nga Shoqata Ndërkombëtare për Zhvillim (IDA) e Grupit të Bankës Botërore në vlerë prej 14.60 milion EUR për të financuar Projektin e Kadastrit të Pronës së Paluajtshme & Infrastrukturës Gjeohapësinore (REGIP), që pritet të zbatohet brenda një periudhe pesëvjeçare. Projekti i propozuar synon të ndihmojë Qeverinë e Kosovës që të rrisë transparencën dhe cilësinë e administrimit të tokës dhe të dhënave dhe shërbimeve gjeohapësinore. Agjencia Kadastrale e Kosovës (AKK) është agjencia zbatuese për projektin REGIP, brenda së cilës do të krijohet Njësia për Implementimin e Projektit (NjIP). NjIP do të jetë përgjegjëse për zbatimin e përditshëm të projektit dhe për ofrimin e mbikëqyrjes teknike specifike të aktiviteteve të projektit. NjIP është përgjegjëse për të gjitha aspektet e besueshmërisë, siç janë prokurimi, menaxhimi financiar, monitorimi dhe vlerësimi, dhe masat mbrojtëse sipas REGIP. Projekti përbëhet nga komponentët e mëposhtëm:
Komponenti A – Politika, Mbështetja Ligjore dhe Institucionale;
Komponenti B – Modernizimi i Kadastrit;
Komponenti C – TIK dhe Infrastruktura Gjeohapësinore dhe
Komponenti D – Menaxhimi i Projektit, Ngritja e Kapaciteteve, Informimi i Publikut dhe Monitorimi dhe Vlerësimi.
Fushëveprimi i stafit mbështetës komunal – konsulentëve (për mbledhjen dhe përditësimin e të dhënave të adresave) është përshkruar në Termat e Referencës (TeR) për këtë detyrë. TeR mund të gjendet në linkun e uebfaqes së AKK-së: http://www.kca-ks.org/vend-pune
Objektivat e përgjithshme të projektit janë:
Procesi i kompletimit të regjistrit të adresave përbëhet nga tre komponentë kryesorë:
- Përditësimi i hyrjeve që duhet të kenë një numër të adresës sipas zhvillimeve në terren. Të dhënat për hyrjet që duhet të kenë adresë nuk janë përditësuar rregullisht nga viti 2012. Informacionet për hyrjet në ndërtesat e ndërtuara nga viti 2012 e deri më tani, dhe të cilat nuk janë identifikuar, duhet të mblidhen në terren, të numërohen dhe të regjistrohen në Regjistrin e Adresave (ARIS).
- Mbledhja e adresave brenda në ndërtesa – regjistrimi i adresave të brendshme, siç janë banesat dhe objektet afariste, është një tjetër proces i rëndësishëm, ku duhet të mblidhen të dhënat për katet dhe banesat në ndërtesat kolektive. Hyrjet në banesa dhe lokale afariste duhet të numërohen dhe regjistrohen në ARIS.
III. Mbledhja dhe regjistrimi i informacioneve në lidhje me tabelat e emrit të rrugëve të të dhënave përkatëse në ARIS – Procesi i sinjalizimit të adresave është një nga proceset më të rëndësishme. Gjatë kësaj faze është e rëndësishme mbledhja dhe digjitalizimi i të dhënave të rëndësishme të tabelave me emrat e rrugëve. Pas mbledhjes dhe digjitalizimit të të dhënave të tabelave me emrat e rrugëve, është gjithashtu e nevojshme që komunat të mbështeten në inspektimin e procesit të vendosjes së tabelave me emrat e rrugëve dhe tabelave me numra e adresave.
- Përditësimi i hyrjeve sipas zhvillimeve në terren
Ky proces përfshin mbledhjen e pikave të adresave që mungojnë për objektet e shqyrtuara, që janë pika që japin informacione për vendndodhjen e hyrjeve të ndërtesave etj. dhe caktimin e numrave të adresave të tyre. Pikat duhet të tregohen në hartat në letër në terren për punë të mëvonshme në zyrë për digjitalizimin e pikave dhe dhënien e numrave duke përdorur sistemin e GIS-it.
- Mbledhja, numërimi dhe regjistrimi i adresave brenda ndërtesave
Mbledhja dhe regjistrimi i adresave të brendshme është një tjetër aktivitet i rëndësishëm për kompletimin e Sistemit të Adresave. Për ndërtesat kolektive, një adresë është ose do të caktohet për çdo hyrje në katin përdhes. Përveç kësaj, duhet të caktohen numra për hyrjet e banesave ose zyrave, siç ndodh brenda ndërtesave kolektive, gjatë procesit pasues të brendshëm të numërimit dhe regjistrimit të numrave në ARIS. Informacionet për hyrjet e brendshme të banesave dhe lokaleve afariste/hapësirave për zyre në ndërtesat kolektive duhet të mblidhen, hyrjet duhet të numërohen dhe të digjitalizohen në ARIS.
III. Mbledhja dhe regjistrimi i të dhënave lidhur me tabelat me emrat e rrugëve
ARIS duhet të ketë informacione për lokacionin dhe të dhëna të tjera relevante për tabelat me emrat e rrugëve. Të dhënat e tilla aktualisht mungojnë kryesisht në ARIS. Procesi i sinjalizimit të adresave është një nga proceset më të rëndësishme. Gjatë kësaj faze është e rëndësishme mbledhja dhe digjitalizimi i të dhënave të rëndësishme të tabelave me emrat e rrugëve. Pas mbledhjes dhe digjitalizimit të të dhënave të tabelave me emrat e rrugëve, është gjithashtu e nevojshme që komunat të mbështeten në inspektimin e procesit të vendosjes së emrave të rrugëve dhe tabelave me numra e adresave.
Kohëzgjatja e detyrës
Stafi mbështetës komunal – konsulentët e kontraktuar do të punojnë me orar të plotë në një komunë për një periudhë kohore deri në 6 muaj. Puna kryhet në zyrë dhe në terren. Konsulenti do t’i raportojë Drejtorit të Drejtoratit për Urbanizëm të komunës përkatëse, i cili gjithashtu do të përgatisë planin e përgjithshëm të punës dhe do të mbikëqyrë punën e përditshme. Komuna është përgjegjëse për sigurimin e hapësirave për zyre, qasjen në kompjuter dhe pajisje të tjera, si dhe transportin e nevojshëm për punën në terren.
Kualifikimet minimale të kërkuara
Kualifikimet e detyrueshme:
Të kenë të përfunduar shkollën e mesme;
Përvojë në punë dhe mbledhje të të dhënave gjeohapësinore dhe navigim me hartë në terren;
Kualifikimet e preferuara (pikat për vlerësimin tregohen në kllapa):
Diplomë universitare (minimumi Baçelor) në Gjeografi, Gjeodezi ose në fusha të tjera të ngjashme;
Përvojë pune në sistemin e adresave dhe sinjalizimin përkatës;
Përvoja nga puna me çështje të tjera teknike në komuna;
Njohuri bazë në teknologjinë e informacionit, preferohet njohuri në sistemet e GIS-it;
Njohuri të çështjeve komunale me prioritet për punë
Procesi i përzgjedhjes
Konsulentët me përvojë dhe të kualifikuar do të përzgjidhen sipas dispozitave të Rregulloreve të Prokurimit të Bankës Botërore për Huamarrësit e Financimit të Projekteve Investuese (FPI), korrik 2016, bazuar në metodën e përzgjedhjes për Konsulentët Individual (KI), (Përzgjedhja e Konsulentëve të Kualifikuar përmes Procedurës së Hapur Konkurruese)”.
Konsulentët e interesuar mund të marrin informacione të mëtejshme në adresën e mëposhtme gjatë orarit të punës: 08:00 – 16:00 (nga e hëna në të premten)
Shprehja e interesit mund të dorëzohet në adresën e cekur më poshtë deri më 24 tetor 2022 në orën 14:00 (ora lokale).
Agjencia Kadastrale e Kosovës
Arsim Kastrati, Specialist i Prokurimit
Adresa: rr. “Astrit e Arbnor Dehari” Nr. 25
10 000 Prishtinë, Republika e Kosovës
E-mail: Arsim.Z.Kastrati@rks-gov.net
SHKARKO TERMAT E REFERENCËS –
SHKARKO SHPREHJEN E INTERESIT
