Aktivistët e LDK-së komentojnë në faqen e Ekrem Hysenit: Pse nuk e ftuat Agim Veliun? |Foto

Kryetari i Lidhjes Demokratike të Kosovës, Lumir Abdixhiku, ndodhet në komunën e Podujevës ku po takohet me struktura të partisë si dhe qytetarë nga kjo komunë.

Në këtë takim që u mbajt në hapësirat e restoranit “Deluxe”, marrën pjesë edhe bashkëpartiakët e tij Besian Mustafa, Ekrem Hyseni dhe Hykmete Bajrami.

Mirëpo aty nuk u pa ish kryetari i degës Agim Veliu e çka bëri shumë komentues të reagojnë në faqen e kryetarit të degës së LDK-së në Podujevë, Ekrem Hyseni, duke e pyetur ku është Agim Veliu? Pse nuk e ftuat Veliun?

Siç edhe kemi raportuar më herët Agim Veliu ka filluar të komunikojë me anëtarësinë e gjerë duke provuar të kthejë autoritetin e tij që kishte deri para pak kohësh.

Burimet tona kanë treguar se edhe brenda vet kryesisë së LDK-së në Podujevë ka filluar të kthehet simpatia për zotin Veliu.