Asambleistët e AAK-së në Podujevë të përqarë

Gjatë mbledhjes së sotme u miratuan të gjitha pikat e rendit të ditës si; Buxheti Komunal për vitin 2023 prej 27.406,567.00 euro, propozim vendimin për ri-alokimin e investimeve kaptiale të Komunës për vitin 2022, propozim rregullorja për orarin e punës së bizneseve në territorin e komunës së Podujevës si dhe u miratuan pika tjera të rendit të ditës në interes të qytetarëve të Podujevës.

Para fillimit të votimit të rendit të ditës, fjalën e mori shefi i grupit parlamentar të LDK-së, Valon Demolli, i cili shprehu pakënaqësi rreth procesit të organizimit të mbledhjes dhe tha se udhëheqja komunale ka treguar arrogancë të numrave, si rezultat i kësaj pakënaqësie njoftoi që asamblistët e Lidhjes Demokratike do të lirojnë sallën, duke pasuar veprim i njëjtë edhe nga asamblistja e AAK-së Mrika Tahiri e cila ftoi grupin e asamblistëve të Aleancës të lirojnë sallën e mbledhjes, por që nuk gjeti përkrahje dhe si e tillë vazhdoi duke u larguar nga salla.

Në sallë qëndruan asambleistët Arbnor Fazliu dhe Burim Hasani të cilët edhe votuan pro, pa votat e të cilëve nuk do të mund të miratohej buxheti i vitit 2023.

Pro votuan 17 asambleistë nga VV, PDK dhe dy votat e AAK-së plus vota e dyfisht e kryesuesit kur votot janë barazi gjatë votimit.

Si duket edhe gara për kryetar të AAK-së në Podujevë ka shpërfaq edhe paknaqësit mes grupit të këtij subjekti në asamble./PodujevaPRESS.net/