Eman Rrahmani flet për disa deputetë servilë të LVV-së: Mundohen të përfitojnë prej çdo situate

Çështja e Projektkodit Civil ka rezultuar të jetë një çështje e cila ka ngritur debate të brendshme e njëherit, edhe publike brenda anëtarve të Lëvizjes Vetëvendosje. Lidhur me pretendimet se një grup i deputetëve të kësaj partie, që nuk kanë votuar Projektkodin civil do të largohen nga LVV, Rrahmani ka thënë se pretendime të tilla kanë dy linja

Deputeti nga radhët e Lëvizjes Vetëvendosje, Eman Rrahmani ka thënë se ekzistojnë dy linja drejt pretendimeve që disa deputetë të Lëvizjes Vetëvendosje do të dalin nga ky grup parlamentar, deputetë këta të cilët nuk e kanë votuar Projektkodin Civil.

Rrahmani thotë që linjat drejt pretendimeve të tilla vinë nga disa deputetë që mundohen të përfitojnë prej situatave dhe njëherësh, edhe nga klikimet për portale.

“Jo, më kanë shkruar edhe mua lidhur me këtë çështje dhe besoj se janë dy linja që i fryjnë kësaj çështje. Njëra, nga disa deputetë të Lëvizjes, janë dy-tre po e them kështu, deputetë servilë të cilët mundohen të përfitojnë prej çdo situate dhe shkojnë te secili deputet ku thuhet se do të largohen prej Vetëvendosjes”, ka deklaruar deputeti Rrahmani në RTV Dukagjini, gjersa i njëjti nuk ka pranuar t’i përmend publikisht.

Gjersa përmendet që një kandidat për kryetar ka thënë se aspekti fetar ishte njëra ndër arsyet pse i njëjti ishte përjashtuar nga gara, Rrahmani thotë se nuk mund të themi se kushdo që ka qenë kundër kodit civil dhe fetar nuk ka pasur mundësinë t’a kandidojë.

“Ka kandidatë të cilët janë zgjedhur, e a është kërkuar që në të ardhmen të mbështetet une nuk mund të flas në atë çështje, ai nuk është standart i zgjedhur për të kandiduar për kryetar”, ka thënë Rrahmani gjersa ka thënë se debatet brenda LVV-së lidhur me Kodin Civil kanë qenë prezentë sikurse kanë qenë edhe publikisht, në Kuvendin e Kosovës.