Arrestohen dy persona në Podujevë, dyshohen se trafikuan një vajzë

Podujevë- Policia e Kosovës (PK) njofton se janë arrestuar dy persona në Podujevë, nën dyshimin se ishin duke e trafikuar një vajzë.

Lajmi u bë i ditur përmes raportit 24 orësh të policisë, ku thuhet se rasti ka ndodhur të shtunën, rreth orës 13:00, raporton “Betimi për Drejtësi“.

“Janë arrestuar dy të dyshuar meshkuj kosovarë, nën dyshimin e bazuar se ishin duke e trafikuar viktimën femër kosovare. Me vendim të prokurorit të dyshuarit janë dërguar në mbajtje”, thuhet në njoftim. /BetimipërDrejtësi

Shënim: Personat e përmendur në këtë artikull konsiderohen të pafajshëm, përveç nëse nga gjykata vërtetohet se janë fajtorë me vendim të formës së prerë.