Mërgata shqiptare nga Freiburg dhuroi donacion për shkollat e Komunës së Podujevës

Është bërë pranimi i donacionit nga Staudinger-Gesamtschule, të cilët kanë dhuruar tri maune me pajisje të ndryshme për shkollat e Komunës së Podujevës.

Në pranimin e donacionit ka qenë i pranishëm, drejtori i Arsimit, Avni Fetahu, i cili në emër të Komunës së Podujevës e falënderoi bashkatdhetarin Muhamet Stublla dhe shoqatën “Yjet e Kosovës”, të cilët kanë siguruar këtë donacion shumë të vlefshëm për shkollat në Komunën e Podujevës.

Donacioni përfshinë: karriga, tavolina, projektora, tabela shkollore, kompjuterë, monitorë, piano, bombola për fikjen e zjarrit, mikroskopa, dërrasa mësimi, shporta të mbeturinave etj.