Kryetari i PDK-së në Podujevë Isak Shabani së bashku me kryesinë bëjnë nderime në Pollatë

Kryetari i PDK-së në Podujevë Isak Shabani së bashku me kryesinë bëjnë nderime në Pollatë në nderim të rënies heroike të dy dëshmorëve Skender Munolli e Besim Latifi, transmeton PodujevaPRESS.net

Në një postim në Facebook Shabani ka shkruar se “Kur emocionet e gëzimit dhe nostalgjisë përzihen në një moment, ndjenja është e pa përshkruar!”

13 shtatori i vitit 1990, ishte një ditë e rëndë dhe e lavdishme. Atë ditë Skender Monolli e Besim Latifi ranë heroikisht duke mbrojtur pragun e shtëpisë në përballje me forcat e agresorit serb, në një luftë të pabarabartë si në numra e ashtu edhe në armatime!

Por,  Skënderi dhe Besimi kishin guximin dhe trimërinë më të madhe se të gjitha eskadronët serbe të vdekjes. Ky guxim dhe kjo trimëri e Skënderit dhe Besimit, si dhe shumë  djemve e vajzave tjera, Kosovës ja sollën lirinë!

Me qëndresën e tyre, Skënderi dhe Besimi, treguan rrugën që njëherë e përgjithmonë të marr fund robëria dhe vuajtjet e popullit të Kosovës.

Lavdi Skënderit e  Besimit,

I lehtë ju qoftë dheu i Kosovës!

Me respekt! I.Sh, ka përfunduar ai.