SKANDALOZE: Komuna e Podujevës e shkel ligjin, nuk i fton të nënshkruajnë kontratat e punës personat në listën pritëse |Dokumente

Ligji për Zyrtarët Publik konkretisht Neni 26 Përzgjedhja e pozitës nga kandidati fitues  të Rregullores (QRK) NR. 16/2020 për pranimin dhe karrierën në Shërbimin Civil të Republikës së Kosovës, nuk po respektohet nga Komuna e Podujevës, konkretisht nga Zyra e Burimeve Njerëzore, njofton PodujevaPRESS.net

Fitim Bunjaku menagjer i Burimeve njerëzore duket se për te nuk egziston ligji por siç do ai edhe vepron. E kjo shihet tek konkurset të cilat ky institucion e ka obligim ti organizojë deri në përfundim të procedurave kur edhe bëhet nënshkrimi i kontratës.

Sipas Ligjit për Zyrtarët Publik tani ka edhe listën pritëse për ata që kalojnë 70 pikë në procedurën e konkursit dhe për atë kategori të pozitës nuk mund të hapet konkurs i ri pa njoftimin e pales i cili është në listë pritëse se a dëshiron të nënshkruaj akt emrimin pra kontratën e punës.

Mirëpo çfarë thot neni 26 i kësaj rregulloreje:

1.Kandidati fitues, sipas renditjës, duke filluar nga ai me më shumë pikë, njoftohet nga njësia përgjegjëse për pozitat e lira dhe ka të drejtën të përzgjedhë çdo pozitë të lirë të Grupit dhe të emërohet në të, për të cilin është zhvilluar procedura e pranimit, si dhe në çdo pozitë tjetër të lirë të të njëjtit Grup, që krijohet e lirë deri në një (1) vit nga shpallja publike e listës të kanditatëve fitues.

2.Kandidati që ka përzgjedhur një pozitë dhe është emëruar në të, nuk mund të ushtrojë për herë të dytë, të drejtën e përzgjedhjes sipas paragrafit 1 të këtij neni.

3.Njësia e përgjegjëse, brenda shtatë (7) ditëve nga shpallja e listës apo nga shfaqja e një pozitë të lirë të Grupit përkatës, fton kandidatët fitues, sipas renditjës së tyre, të zgjedhin nga lista e pozicioneve të lira. Pëlqimi i kandidatit për të përzgjedhur një vend pune jepet me shkrim.

4.Kandidatët që nuk paraqiten për të zgjedhur pozicionin e punës, sipas ftesës së bërë nga Njësia përgjegjëse, me shkaqe të arsyeshme, ruajnë të drejtën e qëndrimit në listën fituese.

5.Kandidatët që nuk mund të paraqiten për të zgjedhur pozicionin e punës, sipas ftesës së bërë nga njësia përgjegjëse, për shkaqe të arsyeshme, njoftojnë njësinë përgjegjëse për pamundësinë e pjesëmarrjës së tyre të paktën deri në orarin e përcaktuar prej saj për paraqitjen e kandidatëve. Në këtë rast njësia përgjegjëse shtyn datën e paraqitjes së kandidatëve fitues në një datë tjetër.

6.Shkaqe të arsyeshme sipas paragrafit 5 të këtij neni, janë: 6.1. rastet e sëmundjeve të kandidatit fitues, fëmijës së tij të mitur apo bashkëshortit, vërtetuar me dokument mjekësor; 6.2. vdekja e prindit, bashkëshortit, fëmijës, vëllaut, motrës; 6.3. forcat madhore.

7.Lista e kandidatëve fitues që nuk janë emëruar, është e vlefshme për një periudhë 1 (një) vjeçare nga shpallja e listës të kandidatëve fitues. Nëse gjatë kësaj periudhë organizohet një procedurë tjetër konkurimi për të njëjtin Grup, kandidatët e listës së mëparshme rirenditën sipas rezultatit të të dyja listave. 8.Lista e kandidatëve të emëruar dhe lista e kandidatëve të paemëruar mbahen publike sipas nenit 9 të kësaj Rregulloreje.

Komuna e Podujevës kishte hapur konkurs para disa kohësh për pozitën “Specialistë i Administrimit të Përgjithshëm” i datës 07.07.2022 ku në listë pritëse janë 3 persona. Mirëpo tani Fitim Bunjaku si Menaxher i Burimeve Njerëzore ka hapur edhe 3 pozita të reja të jashtme me të njëjtën pozitë me titull pra “Specialistë i Administrimit të Përgjithshëm” duke shkel Ligjin për Zyrtarët Publik, konkretisht Neni 26 Përzgjedhja e pozitës nga kandidati fitues  të Rregullores (QRK) NR. 16/2020 për pranimin dhe karrierën në Shërbimin Civil të Republikës së Kosovës

Sipas informacioneve që posedon PodujevaPRESS kjo ka ndodh pasi që nuk janë informu palët se a dëshirojnë të lidhin kontratë me Komunën e Podujevës apo jo. Dhe më skandalozja është se të njëjtit persona kanë aplikuar përsëri në konkurset e hapura.

Portali ka drejtuar pyetjen se pse nuk janë ftuar të fillojnë punën në zyren për informim por nuk kanë kthyer përgjigjje.