Përplasje mes Bulliqit dhe Ibrahimit

Kryetari i Asociacionit të Komunave të Kosovës, Sazan Ibrahimi në një lidhje direkte në Politiko ka akuzuar kryetarin e komunës së Podujevës se i njëjti është interesuar më tepër për pagën e tij, sesa për problemet e komunës që ai drejton.

“Ju lutem kryetar nëse keni diçka sa ju përket raporteve financiare mund të takohemi kurdo. I vetmi shqetësim i juaji në Kuvend nuk ka qenë numri i VV-së apo raportet financiare, por ka qenë paga ime. Ju keni kërkuar që nuk është etike në një kuvend të kemi një pyetje të tillë. Unë jam i thirrur të respektoj të gjitha thirrjet që vijnë nga bordi”, tha Ibrahimi në Politiko.

Por, këtyre akuzave të Ibrahimit i është kundërpërgjigjur Bulliqi duke e akuzuar atë për siç thotë ai po e përdorë Asociacionin që t’i bëjë opozitë Qeverisë e jo të merret me problemet e komunave.

“Është mirë me i përmend edhe disa gjana. Ibrahimi bashkë me të tjerët në fazë të rëndë me Covid bashkë me disa kryetar të komunave veriore kanë bojkotuar takimin që kërku nga ana e ministrit të Shëndetësisë e kryeministrtit. Qeky Sazan Ibrahimi ka qenë kryetar i Asociacionit të Komunave edhe në kohën kur është nënshkruar kontrata kolektive, edhe s’ka bërë kallëzim penal atëhere por tash. Dmth pas 4-5-6 viteve i bjen në mend Sazan Ibrahimit e kryetarëve me nënshkru kallëzim penal ndaj Qeverisë. Krej këto sene është duke i bërë Ibrahimi. Ky është një individ që rrin kujdestar që çka të bënë Qeveriam, ky meniehere reagon. Ti duhesh me u marrë me probleme të komunave e jo të Qeverisë. Ti po do me bë opozitë me Qeverinë, ti vazhdo bë opozitë”, reagoi Bulliqi

Ai më tej ka vazhduar me akuza për punësime familjare në Asociacionin e Komunave të Kosovës.“Ky është ka bënë politikë me Asocciacion. Ne jemi vetëpërjashtu për këto gjana. Unë s’muj me të mësu se ke përvojë të madhe. Plus e keni rrit gamën e njerëzve, familjarizma e sene. Ky i di ato sene”, ka shtuar Bulliq në Politiko.