Drejtoria e Arsimit në Podujevë presion mësimdhënësve, edhe pse e diel i fton në takim drejtorët e shkollave

Drejtori i Arsimit në Podujevë Avni Fetahu u ka dërguar mbrëm ftesë për takim me Shpejtim Bulliqin të gjithë drejtorëve të shkollave fillore dhe të mesme në Podujevë, ku ka kërkuar që të fillojë procesi mësimorë, njofton PodujevaPress.net

E sot Kryetari i Gjilanit, Alban Hyseni, kryetari i Podujevës, Shpejtim Bulliqi, kryetari i Shtimes, Qemajl Aliu dhe kryetari i Kamenicës, Kadri Rahimaj janë mbledhur në Gjilan.

Siç ka shkruar Bulliqi në Facebook, kryetarët e komunave që udhëhiqen nga LVV janë të shqetësuar “me mosfillimin e vitit të ri shkollor në nivel vendi”.

Në një konferencë të përbashkët, siç tha Bulliqi, ata iu kanë bërë thirrje prindërve që t’i dërgojnë nxënësit në shkollë si dhe mësimdhënësve që ta ndalin grevën.

E një tekst i till po publikohet nga faqet e shkollave të Podujevës, ku po kërkohet që nesër të fillojë procesi mësimorë.