Vdes mamia llapjane Sanije Topanica, iu ndihmoi grave në lindje gjatë luftës
Në një shollë të Ferizajt tentohet të rrëmbehet një 7 vjeçar
Tentojnë ta rrëmbejnë fëmijën 7-vjeçar brenda objektit të shkollës “Gjon Serreqi” në Ferizaj. Prindërit janë të shqetësuar për nivelin e ulët të sigurisë, derisa hedhin dyshime se i dyshuari për rrëmbim “është pedofil”.
Ndonëse thonë se kanë dhënë deklarata në polici ata bashkë me dëshmitarët e tjerë prezentë në shkollë, policia thonë se nuk ka rast të regjistruar. As drejtori i kësaj shkolle, Milazim Dërguti, e as zëvendësi i tij Nazmi Heda, nuk ka pranuar të flasin për rastin, shkruan Gazeta Express.
I pari, prapa kamerës, vetëm e ka konfirmuar se rasti ka ndodhur dhe se rasti është lajmëruar në polici.
Por, zëdhënësi i Policisë në Ferizaj, Agim Gashi, ka mohuar të jetë hapur ndonjë rast lidhur me këtë ngjarje, ani pse mësuesja dhe dy prindër i kanë thënë televizionit se kanë dhënë deklarata në polici.
Se Policia është e njoftuar për rastin e thonë edhe në Drejtorinë Komunale të Arsimit në këtë komunë Muhamet Halili.
Ai ka pranuar se objektet e shkollave në këtë komunë nuk mbikëqyren nga pjesëtarë të sigurisë, por ka njoftuar se synojnë që kjo të bëhet nga viti i ardhshëm.
