Kurti del në konferencë, prezanton pakon e re për përballje me inflacion

Kryeministri Albin Kurti ka dalë në një konferencë për media, teksa ka prezantuar pakon e re ekonomike për përballje me inflacion.

Ai tha se do t’i përkrahin të gjithë ata që e kursejnë energjinë elektrike.

Kjo masë do të fillojë nga muaji shtator, teksa u bë thirrja që të kursehet rryma që mos të rëndohet gjendja.

Kurti njoftoi se do t’i ndajnë 100 milionë euro për shkak të inflacionit.

Ai tha po ashtu që do t’i ndajnë nga 100 euro për pensionistët dhe do ta dyfishojnë ndihmën ndaj familjeve me asistencë sociale.

Mes tjerash, Kurti shtoi se do t’i ndajnë edhe nga 50 euro për zyrtarët publik nga muaji shtator, kurse, për punëtorët e ndërmarrjeve publike do të ndahet shuma e menjëhershme prej 100 eurove

“Bizneset i përkrahëm përmes subvencionimit të kredive për zgjerimin e kapaciteteve. Sot po prezantojmë një pako të re. Nisur nga gjendja e rënduar me energji, sot më shumë se kurrë duhet të kursejmë. Do t’i subvencionojmë të gjithë ata që kursejnë. Ne do të subvencionojmë dy fish faturën, do të procedojmë projektligjin për punë publike. Për pensionistët do të ndajmë shumën prej 100 euro, kurse familjet me asistencë sociale do t’i mbështesim. Punësimin e punëtorët do t’i përkrahen. Për zyrtarët publik do t’i ndajmë nga 50 euro nga muaji shtator. Të gjithë e dini se nga të gjithë të punësuarit në Kosovë, 80 për qind janv të punësuar në sektorin privat”, tha Kurti.

“Si Qeveri e Republikës nga fillimi i mandatit kemi mbështetur qytetarët përmes masave të ndryshme të pakos së ringjalljes ekonomike. Në vitin 2021 e mbyllëm me shpërndarjen e mbi 300 milionë eurove, ndërkohë në vitin 2022 me vlerë mbi 200 milionë euro të gjitha këto për t’i ndihmuar punëtorët dhe familjet në nevojë. Punësimin e përkrahëm pa dallim”