Komuna e Podujevës publikon thirrjen për aplikim në programin e praktikës në punë

Bazuar në Memorandumin e Mirëkuptimit të datës 15.12. 2021 të lidhur mes Programit të Kombeve të Bashkuara për Zhvillim (UNDP) dhe Komunës së Podujevës, në kuadër të projektit “Programi Rajonal për Demokracinë Lokale në Ballkanin Perëndimor 2 (ReLOaD2), shpallet thirrja për aplikim për Praktikë në Punë (Internship) për mbështetje për personat e diplomuar të papunësuar, në bashkëpunim me ndërmarrjet nga sektori privat, institucionet publike, departamentet e komunës dhe Organizatat e Shoqërisë Civile, thuhet në njoftimin e publikuar nga komuna e Podujevës, transmeton PodujevaPress.net

Në njoftim thuhet se “Programi Praktikë në Punë (Internship) ka për qëllim të ju ofrojë mundësinë punëkërkuesëve të papunësuar të moshës deri në 24 vjeç që kanë diplomuar në dy vitet e fundit në nivelin Bachelor dhe në atë Master të arsimit të lartë, të ndjekin një praktikë 6 (gjashtë) mujore në ndërmarrjet e sektorit privat dhe në institucione publike, me qëllim të përkrahjes së aftësimit praktik në punë apo edhe punësimit të qëndrueshëm në Kosovë.  Programi fokusohet në identifikimin e ndërmarrjeve/institucioneve që kanë potencial të ofrojnë mundësi afatgjate të punësimit.

Përveç përkrahjes së punëkërkuesve të papunë në gjetjen e mundësive për praktikë, programi Praktikë në Punë lehtëson të gjithë procesin e identifikimit dhe përputhjes së punëkërkuesve me kërkesat e kompanive/institucioneve”.

Më poshtë është thirrja: