Arrestohet shoferi që dyshohet se shkaktoi aksidentin ku mbeti i lënduar rëndë një 37-vjeçar në Podujevë

Dje ka ndodhur një aksident në rrugën ‘Zahir Pajaziti’ në Podujevë, ku një veturë është ndeshur me një motoçikletë. Nga aksidenti ka mbetur i lënduar rëndë një 37-vjeçar.

Burimet e Gazetës Sinjali kanë bërë të ditur se Policia tashmë ka arrestuar shoferin e veturës që dyshohet se shkaktoi aksidentin.

62-vjeçari pas arrestimit është dërguar në mbajtje për 48 orë.

Ndërkohë burimet e Sinjalit brenda QKUK-së bëjnë të ditur se 37-vjeçari është në gjendje të rëndë shëndetësore dhe po vazhdon trajtimin në Mjekimin Intensiv.