Glauk Konjufca nuk i shkojë në komunë Shpejtim Bulliqit, u takuan në Orllan

Kryetari i Kuvendit të Kosovës Glauk Konjufca ishte sot për vizitë në Podujevë, kështu ka njoftuar i pari i kësaj komune, Shpejtim Bulliqi, transmeton PodujevaPRESS.net

Bulliqi ka shkruar se “bashkë me ekzekutivin komunal dhe grupin punues të Lëvizjes, mirëpritëm Kryetarin e Kuvendit të Kosovës, Glauk Konjufcën dhe nënkryetaren Saranda Bogujevci në Podujevë”.

Ai ka shkruar se “ky takim vjen pas përfundimit të suksseshëm të organizimit të strukturave të Lëvizjes në nivelin e parë organizativ, ku falë angazhimit të palodhshëm të aktivistëve tanë, jemi prej qendrave më të organizuara me gjithsej 46 pika të formuara në qytet dhe fshatra”.

Mirëpo burimet tona tregojnë se Konjufca nuk ka dashur të mbajë anë tani kur për të parin e VV-së në Podujevë janë Shpejtim Bulliqi dhe Bedri Maçastena. Prandaj edhe nuk ka dashur të shkojë në selin e partisë apo në komunë. Burimi jonë ka treguar se në takim ishte edhe drejtori i shkarkuar Besnik Mulliqi.