I del rendi edhe Agim Veliut me fol për problemet në VV

Ish kryetari i Komunës së Podujevës, Agim Veliu të cilin e shkarkojë kryesia e LDK-së nga pozita e kryetarit të degës së kësaj partie në Podujevë ka shprehur qëndrimin e tij për zhvillimet në kabinetin e Shpejtim Bulliqit, transmeton PodujevaPRESS.net

Rreth zhvillimeve të fundit që po ndodhin në Komunën e Podujevës, ku pati shkarkime e dorëheqje të drejtorëve, ka reaguar ish kryetari i kësaj komune, tani deputet i LDK-së, Agim Veliu.

Ai ka thënë se modeli i keqqeverisjes në nivel qendror po bartet edhe në nivelin lokal.

Këto komente Veliu i ka bërë në profilin e tij në Facebook.

Statusi i plotë i Veliut: ‘’Modeli i keqqeverisjes në nivel qendror po bartet edhe në nivelin lokal. Dorëheqjet dhe shkarkimet që po ndodhin në ekzekutivin komunal të Podujevës janë pasqyrë e qeverisjes abuzive dhe korruptive nga Lëvizja Vetëvendosje. Pas akuzave të drejtorit të shkarkuar të Inspeksionit ndaj kryetarit të Komunës, për lejimin e ndërtimeve ilegale në qytet dhe në zonën e Liqenit të Batllavës, do të duhej të intervenonte prokuroria. Ndërhyrja e organeve të drejtësisë është e domosdoshme për ndërprerjen e qeverisjes korruptive, por edhe diskriminuese brenda administratës komunale. Qytetarët e Llapit nuk do të lejojnë që praktikantët e LVV-së të degradojnë e rrënojnë atë që është ndërtuar për 20 vite me taksat e tyre’’.