Dikush dëmton lojërat e fëmijëve në parkun e Podujevës

Qytetarët e papërgjegjshëm në kuadër të veprimeve të tyre vandaliste kësaj radhe nuk kanë kursyer as një kënd lojërash për fëmijë në parkun e qytetit neë Podujevë.

Konkretisht tek parku në sheshin e qytetit, dikush ka thyer dhe lënë si mos më keq këtë objekt.

Një veprim i tillë bëhet edhe më i dënueshëm kur kemi parasysh numrin edhe ashtu të vogël të hapësirave argëtuese dhe rekreative për fëmijë në qytetin e Podujevës.

Përndryshe, pamje të tilla të këtij lloji të demolimit janë sa të shëmtuara edhe të dhimbshme.