Llapjani e ngreh zhag për flokëve dhe e dëbon gruan nga shtëpia, dyshoi se po e tradhton me disa persona

Akuzat për tradhti janë bërë mollë sherri mes një çifti në Podujevë, të cilët u përleshën pas mosmarrëveshjeve, me ç’rast burri e dëboi me forcë nga shtëpia bashkëshorten e tij, shkruan Gazeta Sinjali.

Kjo ngjarje ka ndodhur në fshatin Letanc të Podujevës para disa ditësh, por Prokuroria është vënë në dijeni tek sot për rastin pas denoncimit të bërë nga viktima e rastit.

Sinjali iu sjellë më poshtë detajet e ngjarjes

Burimet thonë pas debateve të vazhdueshme mes çiftit, burri i dyshuar e ka dëbuar gruan e tij, duke e ngrehur zhag për flokëve derisa e ka larguar nga shtëpia.

Situata dyshohet se u tensionua pas akuzave të burrit se gruaja e ka tradhtuar me disa persona. Nga deklarata e viktimës së dhënë në Polici është kuptuar se ata kanë pasur probleme edhe më herët, pasi bashkëshorti i saj kishte dyshuar se ajo po komunikon me një burrë në rrjete sociale, por një eskalim i tillë nuk ka ndodhur asnjëherë më parë.

Gruaja e ka njoftuar Policinë se posa burri e ka dëbuar, ajo ka shkuar të jetojë të familja e saj në Vushtrri, ndërsa 3 fëmijët kanë mbetur me babain.

Si rezultat i këtij denoncimi, Policia është vënë në veprim dhe ka prangosur bashkëshortin e dyshuar, i cili në stacion policor është përballur me denoncimin kundër tij.

Pretendimet e viktimës janë konfirmuar pasi ai e ka pranuar se e ka larguar gruan nga shtëpia, duke rrëfyer për dyshimet mbi tradhtinë.

Pas përfundimit të intervistimit, me urdhër të prokurorit rasti është iniciuar si ‘Dhunë në familje’.