PDK në Podujevë drejt reformave, priten ndryshime

Ardhja e kryetarit të ri të PDK-së Memli Kraasniqi duket se ka sjell edhe një frymë të re brenda këtij subjekti, njofton PodujevaPRESS.net

Fitorja e disa komunave dhe hyrja në balotazh në shumë komuna të tjera në Kosovë duket se e ka trimëruar që ti hyjë reformave në subjektin që ai drejton.

Komuna në të cilën ka treguar një rezultat zhgënjyes për PDK-në është Podujeva. Dega e këtij subjekti ka kohë që ka mbetur pa kryetar dhe thuajse nuk funksionon fare, përpos grupit të asambleistëve e që tani kanë mbetur vetëm 4, për dallim nga zgjedhjet tjera kur ky numër ishte 7 dhe në 2013’tën ishin 12 asambleistë të PDK-së në Podujevë.

E pikërisht ky zhgënjim sipas burimeve të PodujevaPRESS ka bërë që kreu i PDK-së ti përveshet punës për fuqizimin e degës në Podujevë.

Memli Krasniqi sipas burimeve tona së shpejti do të dal me një emër për kryetar i cili do ta ketë rolin e një ushtruesi detyre i kryetarit deri në konstituimin e organeve të reja të degës në këtë qytet.

Se sa do të jetë kjo reformë e qëlluar apo jo do ta shohim në ditët në vijim, por ajo që kanë treguar burimet tona është se ish zyrtarët dhe personat me ndikim nga Podujeva pjesë e këtij subjekti kanë filluar mobilizimin për ti dhënë përkrahje dhe ndihmë atij që do të drejtojë degën.

Sipas burimeve personi që do ta drejtojë degën do të jetë një figurë kredibile me autoritet të cilin e kanë përkrahur edhe vet dega./PodujevaPress.net/