Podujevë: Nënshkruhet memorandum bashkëpunimi për furnizim me serra për 9 gra fermere

Komuna e Podujevës dhe Ecokos Women kanë nënshkruar memorandum bashkëpunimi për projektin “Fuqizimi ekonomik i grave në viset rurale, krijimi i vendeve të punës dhe prosperiteti më i mirë përmes angazhimit në bujqësi”.

Nga ky memorandum i bashkëpunimit do të përfitojnë 9 gra nga një serrë 100 metra², vlera e këtij projekti do të jetë 28,180.88 €. Projekti përkrahet nga Ministria e Zhvillimit Ekonomik, përmes Convey of Hope dhe EKW-së(21,135.66 €, ), Komunës së Podujevës(6,145.22) dhe vetkontributit të përfituesve(100€ për person).

Nënshkrimin e marrëveshjes e ka bërë nënkryetarja e komunës, Marigona Lahu, ndërsa i pranishëm në takim ishte edhe drejtori i Planifikimit dhe Zhvillimit Ekonomik, Vigan Salihu.

Për gratë përfituese të subvencionit organizohen trajnime për kultivim të perimeve dhe do të organizohet panairi me produktet e kulturave të mbjellura bujqësore.

Dy palët u zotuan që bashkëpunimin do ta vazhdojnë edhe në të ardhmen me projekte të tjera në fusha të ndryshme.