Policia arreston gjashtë persona në Podujevë, u rrahën për tokë

Konflikti për një pronë në Godishnjakë të Podujevës, ka çuar në përleshje fizike mes gjashtë personave të familjes Berisha, raporton Gazeta Sinjali.

Rasti ka ndodhur dje, në orët e pasdites, kur palët e përfshira u kapën për shkak të mosmarrëveshjeve për pronë dhe si pasojë disa prej tyre përfunduan në spital.

Gazeta mëson se pas trajtimit të dy prej të dyshuarve në QKUK, e dy të tjerëve në QKMF-në e Podujevës, të gjithë janë dërguar në stacion policor për intervistim.

Me urdhër të Prokurorit të Shtetit, pesë nga të dyshuarit janë ndaluar për 48 orë, ndërsa njëri është liruar.