Delegacion nga Komuna e Velbertit viziton Podujevën

Sot gjatë ditës një delegacion nga Komuna e Velbertit për nder të ditës së çlirimit kanë vizituar Komunën e Podujevës, me ç’rast u pritën nga kryetari i komunës, Shpejtim Bulliqi, nënkryetarja Marigona Lahu, kryesuesi i Kuvendit, Hilmi Hoxha dhe dy drejtorët Driton Veliu dhe Pajtim Balaj.

Me përfaqësuesit e Velbertit kryetari Bulliqi dhe delegacioni pritës nga komuna biseduan me përfaqësuesit e Velbertit për sektorët që mund të bashkëpunojnë si dy komuna të binjakëzuara në fusha si arsimi, shëndetësia, kultura dhe sporti.

Pas kësaj është bërë edhe një ecje përgjatë sheshit, ku delegacioni nga Velberti ishin shumë të kënaqur me ndryshimet që janë bërë në Podujevë nga hera e fundit që kanë vizituar komunën tonë.