Forca të shumta të Njësive Speciale në Merdarë |PAMJE

Forca të shumëta të policisë janë grumbulluar tek terminali doganor në Merdare, njofton PodujevaPress

Kjo për arsye se sot në ora 13:00 mbahet një protestë.

Një numër I konsiderueshëm i bizneseve do të protestojnë në komunën e Podujevës, pasi Terminalit Doganor “Diana” do t’i përfundoj licenca dhe do të tërheqet stafi meqë ndalet operimi zyrtar.

Ky njoftim i bizneseve erdhi pas njoftimit nga Dogana e Kosovës. Ata u ankuan se janë njoftuar vetëm tri ditë para përfundimit të licencës, ku sipas tyre është dashur të jenë në dijeni një muaj më parë, shkruan IndeksOnline.

“Ju njoftojmë se më 17 qershor 2022 ora 13:00 do të ketë protest nga firmat që operojnë në Podujevë për shkak se Dogana e Kosovës sot më 16 qershor 2022 na ka njoftuar se do të terhjek oficerët doganor nga terminali doganor në Podujevë dhe ne si biznese nuk kem se nga të shkojmë pasi që terminal shtetëror në komunën e Podujevës nuk ekziston”, thuhet në njoftimin e bizneseve për protestë.