Inspektorati në aksion për lirimin e hapësirave publike në Podujevë |PAMJE

Inspektorët komunalë të Podujevës i kanë hequr rrethojat nga prona publike që ishte uzurpuar nga një banor.

Aksioni është realizuar në Rrugën “28 Nëntori, ndërkohë që është paralajmëruar se aksionet e tilla do të vazhdojnë.

“Inspektorati i komunës së Podujevës ka realizuar aksion në largimin e rrethojave në prona publike. Ky aksion është ndërmarrë në rrugën “28 Nëntori”, me qëllim të lirimit të hapësirave publike. Prezent në këtë aksion ishte edhe drejtori, Besnik Mulliqi”, thuhet në një njoftim të Zyrës për marrëdhënie me publikun.

Sipas të njëjtit aksioni është realizuar nga kompania e kontraktuar nga Komuna e Podujevës dhe është realizuar në bashkëpunim me Policinë e Kosovës.

“Edhe në ditët në vazhdim do të realizohen aksione të tilla në funksion të lirimit të hapësirave publike, përfshi gjithë territorin e Komunës së Podujevës”, thuhet tutje në njoftim.