PODUJEVË: Krimet Ekonomike zbarkojnë në komunë, shumë zyrtarë komunal janë ftuar në biseda informative për afera të dyshuara korruptive

Komuna e Podujevës ditë me pari doli si ndër 10 komunat më transparente në Kosovë, por siç duket problemet tjera vazhdojnë. Probleme të mëdha u kanë dalur me tenderët dhe me punësime.

Ankesa të shumëta dhe probleme me tender kanë bërë që krimet ekonomike nga policia e Kosovës të zbarkojnë në Podujevë, konkretisht në komunë, njofton PodujevaPRESS.net

PodujevaPRESS nga burimet e saj brenda institucionit të komunës ka mësuar se brenda tre drejtorive komunale atë të Arsimit, Bujqësisë dhe Urbanizmit shumë zyrtarë komunal janë ftuar në bisedë informative.

Burimet tona kanë treguar se janë marrë në pyetje edhe zyrtarë e zyrës së Prokurimit në komunën e Podujevës.

Arsyet janë “dallaveret” me konkurset në arsim si dhe dhënja e tenderëve, çka edhe ka shkaktuar ankesa të shumëta nga palët e dëmtuara. Kjo ka bërë që të aktivizohen krimet ekonomike dhe të fillojnë hetime për këto raste.

Ne si redaksi kemi arritur ti sigurojmë edhe emrat e zyrtarëvekomunal “të dyshuar” por për hir të korrektësisë do të presim epilogun e hetimeve nga organet e drejtësisë.

PodujevaPRESS do të ju mbajë të informuar lidhur me këto zhvillime.