Rrëzohet ura në Dobërdol, në lagjen e ish kryesuesit nga radhët e LDK-së, Fatmir Gashi

Sot gjatë ditës u raportua se në fshatin Dobërdol të Podujevës konkretisht në lagjen e Selmanajve siç njihet kjo lagje, është rrëzuar ura.

Për këtë kanë njoftuar edhe nga komuna e Podujevës.

Në njoftimin për medie thuhet se “pas marrjes së informacionit për shembjen e urës në fshatin Dobërdol, Komuna e Podujevës ka angazhuar menjëherë një kompani për vendosjen e një ure alternative për t’ju mundësuar qarkullimin e qytetarëve të asaj zone.

Në planifikimet e Drejtorisë për Shërbime Publike është i planifikuar ndërtimi i Urës së re për banorët e asaj zone, derisa të bëhet ndërtimi i urës së re qytetarët mund ta shfrytëzojnë për qarkullim urën alternative”.

Kujtojmë se në këtë lagje jeton ish drejtori dhe pastaj kryesuesi komunal nga radhët e LDK-së, Fatmir Gashi.