Mbjellen drunj në Ditën e Pranverës në Podujevë

Kryetari i komunës, Shpejtim Bulliqi i shoqëruar nga nënkryetarja Marigona Lahu dhe Drejtori i Planifikimit Urban dhe Mbrojtje e Mjedisit, Leutrim Krasniqi, kanë marrë pjesë në ceremoninë e mbjelljes së disa drunjëve dekorativë në shënim të Ditës së Pranverës.

Gjatë këtij aktiviteti kryetari Bulliqi tha “Gjatë vitit të kaluar kemi mbjellur mbi 2200 drunj dekorativë, kurse këtë vit dhe viteve vijuese synojmë që ta rrisim këtë sasi me qëllim të krijimit sa më shumë të hapësirave gjelbëruese në qytetin tonë”.

Kryetari Bulliqi potencoi se si qeverisje komunale do të punojnë maksimalisht në krijimin e një ambienti të pastër dhe të shëndetshëm për të gjithë.