EKSKLUZIVE: 32-vjetori i i helmimit të mijëra shqiptarëve nga regjimi serb, ja çfarë shkruante gazeta Rilindja për helmimet në Podujevë |Dokument

Helmimi i vitit 1990 nga regjimi serb preku mbi 7 mijë të rinj, kryesisht shqiptarë. Helmimi filloi në qytetin e Klinës, ndërsa u përhap masivisht më 19 mars 1990 në Komunën e Podujevës. Kjo i parapriu ngjarjeve që më vonë u përshkallëzuan në demonstrata për të drejtat e shqiptarëve deri në luftën për çlirimin e Kosovës, njofton PodujevaPRESS.net

Në 31 vjetorin e helmimeve të nxënësve, studentëve, profesorëve, punëtorëve dhe qytetarëve të Podujevës dhe Republikës së Kosovës.

PodujevaPRESS.net ka siguruar shkrimet nga gazeta e përditshme e asaj kohe “Rilindja” të dates 22 mars 1990 për helmimet në Podujevë.

U helmuan mbi 200 nxënës

Rastet e shumëta të helmimit të nxënësve në Podujevë , shkaktuan panik por edhe mobilizim për tu ndihmuar të helmuarve. Në ndihmë erdhën qytetarë të shumët nga Prishtina por edhe qytete tjera të Kosovës, shkruante Rilindja e asaj kohe, transmeton PodujevaPRESS.

Dje në Podujevë shkruante Rilindja, u helmuan përsëri nxënësit por edhe qytetarët, por kësaj radhe përmasat e helmimit ishin shumë më të mëdha se ato të mëparshme.

Në të vërtet gjatë ditës së djeshme duke filluar nga ora nëntë e mëngjesit e deri në orët e vona të pasditës disa qindra veta kërkuan ndihmën e pare e një pjesë e tyre meqë gjendjen shëndetësore e kishin të rrezikuar menjëherë u sollën në Klinikat e Fakultetit të Mjekësisë në Prishtinë.

Nxënësit e QAMO-s “8 Nëntori”  në orët e mëngjesit nisën të ankoheshin në marramendje, plogështi, gërqe të muskujve të këmbëve dhe duarëve, kishin pengesa të thekësuara në organet e frymarrjes dhe e gjithë kjo u manifestua me alivanosje të shumëta. Nxënësit hynin në klasa të trullosur e disa nga ta edhe rrëzoheshin, thane disa nga mësimdhënësit e kjo ishte shenjë e mjaftueshme se helmimet  e ditëve tjera nuk ishin të rastësishme. Do të thotë gjithçka i ngjante një diversioni të organizuar. E për këtë ishin edhe gjurmët: pluhur në dysheme, ndotje dhe erë kundërmonjëse që gjasonte në qelbësira me erë të padurueshme.

Pasi u përhap lajmi për helmimin në Podujevë shkruante Rilindja u krijua një panik i madh, por në të nuk hetohej ndjenja e frikës, sikurse ngjet në raste të tilla.

Ky është teksti i Rilindjes të datës 22 mars 1990: