Inspektorët komual të Komunës së Prishtinës kontrolle të mëdha në inspektim të transportit në linjën Prishtinë – Podujevë |PAMJE

Në vazhdën e aktiviteteve të planifikuara, Drejtoria e Inspekcionit në Komunën e Prishtinës, ka vazhduar me inspektimin e transportit, me fokus të veçantë, linjat Prishtinë – Mitrovicë/Vushtrri/Podujevë, thuhet në njoftimin e kësaj Drejtorie, transmeton PodujevaPRESS.net

Gjatë këtij aksioni inspektues, inspektorët kanë hasur në persona që po ushtronin ilegalisht transportin e udhëtarëve si dhe në të tillë të cilët qëndronin në vende jo të parapara për qëndrim të mjeteve transportuese të udhëtarëve.

Gjithashtu, gjatë këtij aksioni, inspektorët komual të Komunës së Prishtinës, kanë kryer kontrolle edhe ndaj operatorëve transportues të mallrave të cilët janë hasur nëpër rrugët e Prishtinës.

Të gjithë atyre që janë kapur në shkelje të ligjeve dhe rregulloreve komunale, Drejtoria e Inspekcionit iu ka shqiptuar gjoba mandatore dhe njëherit ka kërkuar që shklejet e tilla të mos përsëriten.