Agim Veliu ironizon me PDK-në: I gëzohem mos realizimit të ideve tuaja për qytetarët

Kryetari i Podujevës Agim Veliu, ka reaguar pas një shkrimi në media të cilat kishin pranuar një kumtesë nga dega e PDK-së në Podujevë, e cila akuzonte këtë të fundit për diferencim të familjeve të dëshmorëve, njofton PodujevaPRESS.

Kryetari Agim Veliu ka bërë të ditur se ai asnjëherë s’ka qenë për fushata elektorale në Lagjen e Dëshmorëve, siç ka bërë vazhdimisht PDK-ja, “Për hir të ndjeshmërisë së rastit dhe për hir të informimit të drejtë të opinionit ua bëj me dije se unë asnjëherë nuk kam shkuar në “Lagjen e Dëshmorëve” për fushata elektorale, siç e kanë bërë vazhdimisht krerët e PDK-së”.

Më tej Veliu  ka shtuar se është i vetëdijshëm për idetë e PDK-së për këta banorë, dhe ndjehet i lumur se nuk janë realizuar asnjëhere, “Ne e dimë fare mirë cilat ishin idetë tuaja për këta banorë, mirëpo jam i lumtur që nuk u janë realizuar asnjëherë”.

Veliu ka akuzuar PDK-në e Podujevës se ky kamp ishte krijuar në kohën e qeverisë së përkohëshme./PodujevaPRESS/

Bëje LIKE faqen PodujevaPRESS për tu njohur me lajmet e fundit: KLIKO KËTU