Themelohet Fondi i Sigurisë, Kurti fton qytetarët që të kontribojnë

Kosova është bërë me Fond të Sigurisë.

Kjo pasi që kryeministri Albin Kurti ka konsultuar partnerët ndërkombëtarë dhe më pas ka autorizuar Ministrinë e Financave për themelimin e fondit.

“Mjetet e mbledhura financiare synohet të përdoren në përputhje me strategjinë e sigurisë shtetërore të Republikës së Kosovës që pritet të miratohet nga Qeveria e Republikës se Kosovës. Funksionimi i këtij fondi do të rregullohet me akte përkatëse procedurale dhe do të përdoret ekskluzivisht për qëllimin e përcaktuar nga qeveria”, është shprehur Kurti..

“Në përputhje me legjislacionin në fuqi do të zbatohen procedurat për prejardhjen e mjeteve financiare me qëllim të ruajtjes së integritetit të fondit dhe qëllimit të tij”.

“Ftohen qytetarët e Kosovës dhe bashkatdhetarët tanë në diasporë por edhe donatorë të tjerë të kontribuojnë për sigurinë shtetërore”.