Alarmon Stoltenberg: Rusia shkatërroi paqen në Evropë, objektiv i tyre s’është veç Ukraina

Sekretari i Përgjithshëm i NATO’s, Jens Stoltenberg po mban konferencë për shtyp pasi liderët botërorë u takuan për të diskutuar sulmin rus ndaj Ukrainës.

Rusia ka “shkatërruar paqen e Europës”, thotë ai.

Ai i bëri thirrje Rusisë të ndalojë luftën dhe të tërhiqet.

“Kjo krizë na prek të gjithëve”, shtoi Stoltenberg.

“Bota do t’i kërkojë llogari Rusisë dhe Bjellorusisë për veprimet e tyre. Rusia si agresore, Bjellorusia si ndihmëse”, theksoi ai.

Stoltenberg thotë se “objektivat e Kremlinit nuk kufizohen vetëm në Ukrainë”.