“M’i qepu Vjosës” i kushton me punë kryeredaktorit të RTK-së

Radio Televizioni i Kosovës (RTK) ka kërkuar falje publike opinionit dhe Presidentes së vendit Vjosa Osmani për publikimin e një lajmi tendencioz, i cili nuk ishte lajm i prodhuar nga RTK, por nga mediat tjera.

Në kërkim faljen e botuar theksohet se menaxhmenti ka miratuar marrjen e masave adekuate disiplinore ndaj përgjegjësve në portalin e RTK-së.

Njoftimi i plotë:

RTK i kërkon falje opinionit publik dhe Presidentes së Republikës për publikimin e një lajmi tendecioz në portalin rtklive.com, i cili nuk është lajm i prodhuar nga stafi i RTK-së, por i huazuar nga medie të tjera.

Ky lajm i publikuar dje, nuk është në përputhje me standardet profesionale dhe me misionin e RTK-së si transmetues publik.

Në mbledhjen e sotme, pos vendimeve të tjera, Menaxhmenti i RTK-së ka miratuar marrjen e masave adekuate disiplinore ndaj përgjegjësve në portalin e RTK-së.

Menaxhmenti i RTK-së siguron publikun se do të angazhohet maksimalisht në evitimin e situatave të tilla dhe përmirësimin e cilësisë së raportimit në të gjitha programet e RTK-së.

Prishtinë, 05 shkurt 2022